LAB Myanmar ၏ အသုံးပြုခြင်းဆိုင်ရာ စည်းမျဉ်းများ
ကျွန်ုပ်တို့၏ ဝန်ဆောင်မှုများကို အသုံးပြုရာတွင် လိုက်နာရမည့် စည်းကမ်းချက်များ
အကောင့်ဖွင့်ရန် အချက်အလက်များ
အသုံးပြုသူများသည် အကောင့်ဖွင့်ရန် အမည်၊ အီးမေးလ်၊ လျှို့ဝှက်ကုဒ်၊ ဖုန်းနံပါတ်နှင့် နေရပ်လိပ်စာအချက်အလက်များ မှန်ကန်စွာဖြည့်သွင်းရပါမည်။
ဒေတာအသုံးပြုမှု
LAB Myanmar သည် အသုံးပြုသူ၏ ကိုယ်ရေးအချက်အလက်များကို system အသုံးပြုမှုအတွက်သာ ရည်ရွယ်၍ တောင်းခံခြင်းဖြစ်ပြီး data analytics, fraud prevention နှင့် user experience မြှင့်တင်ရေးများတွင်သာ အသုံးပြုသွားမည်ဖြစ်သည်။
ကိုယ်ရေးအချက်အလက် ကာကွယ်မှု
အသုံးပြုသူ၏ ကိုယ်ရေးကိုယ်တာအချက်အလက်များကို third party များနှင့် မမျှဝေပါ။ (တရားဝင်အာဏာပိုင်အဖွဲ့များမှတောင်းဆိုခြင်းများမှလွဲလျှင်)
အီးမေးလ်အတည်ပြုခြင်း
အီးမေးလ်အတည်ပြုခြင်းလုပ်ငန်းစဉ်ကို ပြီးမြောက်အောင် ဆောင်ရွက်ရမည်ဖြစ်ပြီး အတည်ပြုခြင်းမရှိပါက အသုံးပြုနိုင်မည်မဟုတ်ပါ။
အကောင့်အသုံးပြုမှု
တစ်ဦးတစ်ယောက်တည်းသာ အသုံးပြုနိုင်သော အကောင့်ဖြစ်ပြီး အခြားသူများနှင့် မျှဝေအသုံးပြုခြင်း မပြုရ။
အကောင့် login များ
အကောင့်တစ်ခုအား ဖုန်းနှစ်လုံး သို့မဟုတ် သုံးလုံးတွင် ထည့်သွင်းအသုံးပြုပါက ယခင်ဖုန်းထဲရှိ မိမိ download ဆွဲထားသော စာအုပ်များနှင့် group များအား system မှ အလိုအလျောက် ဖျက်မည်ဖြစ်ပြီး ပြန်လည်အသုံးပြုရန်အတွက် နောက်တစ်ကြိမ် Log in ဝင်ပေးရမည်ဖြစ်ပါသည်။
Offline ဖတ်ရှုခြင်း
စာအုပ်များကို အော့ဖ်လိုင်းဖတ်ရှုရန် Download ပြုလုပ်ထားရပါမည်။
ငွေပေးချေမှု
အကြွေးဝယ်ခွင့်မပြုထားသော စာအုပ်များအား လက်ငင်းဝယ်ယူရမည်ဖြစ်ပြီး System coin ဖြစ်သော ( Boss Coin ) ဖြင့်ဖြစ်စေ၊ စာရေးသူအား တိုက်ရိုက် ငွေပေးချေထားသော Screenshot တင်၍ဖြစ်စေ ဝယ်ယူနိုင်သည်။
ငွေပြန်အမ်းမှု
**ဝယ်ယူထားပြီးသောစာအုပ်များအတွက် ငွေပြန်အမ်းပေးမည်မဟုတ်ပါ။
အကြွေးမဆပ်ခြင်း
အကြွေးရှိပါက အကြွေးဆပ်ရန် လွန်စွာ အရေးကြီးသည်။ စာရေးသူမှ အကြွေးပေးရန် ကြာနေကြောင်း report တင်လာပါက မှန် / မမှန် အတည်ပြု၍ Admin မှ ထိုအသုံးပြုသူ၏ account အား Ban သွားမည်ဖြစ်ပါသည်။
အချက်အလက်မျှဝေမှု
စနစ်အတွင်း သိမ်းဆည်းထားသော အချက်အလက်များကို အင်တာနက်ပေါ်တွင် အများပြည်သူနှင့် မျှဝေခြင်းမပြုရ။
အကောင့်ခိုးယူခံရခြင်း
အကောင့်အား ခိုးယူအသုံးပြုခံရပါက ချက်ချင်းအကြောင်းကြားရမည်။
နှစ်ဖက်သဘောတူမှု
LAB Myanmar သည် စာရေးသူနှင့် စာဖတ်သူတို့ကြား တိုက်ရိုက်ဝယ်ယူ၍ နှစ်ဦးနှစ်ဖက်အကျိုးအမြတ်ရှိစေရန်ရည်ရွယ်သော platform တစ်ခုဖြစ်သည့်အတွက် ( System development နှင့်ပတ်သတ်သည့်ကိစ္စမှလွဲ၍ ) အခြားသောငွေကြေးဆိုင်ရာကိစ္စများ၊ စာအုပ်အကြောင်းအရာများနှင့်ပတ်သတ်သည်တို့ကို တာဝန်ယူမည်မဟုတ်ပါ။
မူပိုင်ခွင့်
LAB Myanmar ထဲတွင် ပါဝင်သော စာအုပ်များ၊ ပုံများ၊ ဗီဒီယိုများ၊ UI/UX ဒီဇိုင်းများ၊ စာရေးသူများနှင့် ပတ်သက်သည့်ပစ္စည်းများအား မူပိုင်ခွင့်ရှိသူမှ ခွင့်ပြုချက်မရှိဘဲ ပြန်လည်ဖြန့်ချိခြင်း၊ ကူးယူခြင်း မပြုရ။
System Maintenance
System Maintenance ဆောင်ရွက်နေချိန်နှင့် အခြား System Downtime များပြန်လည်ပြင်ဆင်ချိန်တွင် စနစ်ကို ခေတ္တရပ်နားရန်လိုအပ်နိုင်ပါသည်။ ထိုသို့ဖြစ်ပါက အသုံးပြုသူများအား ကြိုတင်အသိပေးသွားမည်ဖြစ်ပါသည်။
မသမာမှုနှင့် အရေးယူမှု
အလွဲသုံးစားပြုလုပ်သူများ / မသမာသူများ၏ Account များအား ပိတ်သိမ်းခြင်းခံရမည်ဖြစ်ပြီး ပေးသွင်းထားပြီးသော ကြိုတင်ပေးငွေများအား ပြန်လည်ပေးအပ်မည်မဟုတ်ပါ။
စည်းမျဉ်းမလိုက်နာသူများ
စည်းမျဉ်းများကို မလိုက်နာပါက အကောင့်အား ယာယီ သို့မဟုတ် အပြီးအပိုင်ပိတ်သိမ်းနိုင်သည်။
Admin ၏ဆုံးဖြတ်ချက်
ငွေကြေးနှင့် system ဆိုင်ရာ အငြင်းပွားမှုများတွင် Admin ဆုံးဖြတ်ချက်သာ အတည်ပြုမည်။
သတိပြုရန်
စည်းမျဉ်းစည်းကမ်းများကို ဖောက်ဖျက်ပါက အကောင့်ပိတ်သိမ်းခြင်းအပါအဝင် အရေးယူဆောင်ရွက်မှုများ ခံရနိုင်ပါသည်။
မေးမြန်းလိုပါက ဆက်သွယ်ရန်
စည်းမျဉ်းစည်းကမ်းများနှင့်ပတ်သက်၍ မေးမြန်းလိုပါက [email protected] သို့ ဆက်သွယ်နိုင်ပါသည်။